📢註解1：
“嶺南通•八達通卡”、“全國一卡通•深港互通行卡”，無論喺港鐵嘅傳統閘機定係交通聯合專用閘機拍卡，都會直接由八達通嘅港紙銀包扣數，唔會讀取交通聯合銀包；
“旅客八達通•全國通卡 (銷售版)”、“八達通•全國通卡”，無論喺港鐵嘅傳統閘機定係交通聯合專用閘機拍卡，都會直接當張卡係“八達通（銷售版）”嚟扣數，唔會將餘額轉到交通聯合戶口，亦都唔會扣跨境交易費用、唔使更新匯率資料；
“旅客八達通•全國通卡 (銷售版)”嘅“小童”同“長者”版，喺澳門同內地（即係香港以外嘅所有地區）拍卡嗰陣，都會照標準價錢扣數（冇任何優惠）；
有“八達通”標誌嘅交通聯合卡，喺內地同澳門淨係可以當巴士卡/地鐵卡用，唔可以喺便利店用（例如7仔）。

📢註解2：
“嶺南通•澳門通卡”、“深圳通•澳門通卡”、“珠澳聯名公交卡”，喺澳門用嗰陣，會直接由澳門通嘅葡紙銀包扣數，唔會讀取交通聯合銀包；
“澳門通•全國通卡”，喺澳門用嗰陣，會直接當張卡係“一般銷售版澳門通卡”嚟扣數，唔會讀取交通聯合銀包；
“澳門通•全國通卡”喺香港同內地（即係澳門以外嘅所有地區）拍卡前，要預先向“人仔銀包”增值，如果唔係就會拍卡失敗。拍卡嗰陣會照標準價錢扣數（冇任何優惠），呢張卡同“八達通•全國通卡（包括旅客銷售版）”唔同，佢嘅葡紙同人仔銀包係兩個獨立嘅銀包，餘額同使用記錄唔互通；
有“澳門通”標誌嘅交通聯合卡，喺內地同香港淨係可以當巴士卡/地鐵卡用，唔可以喺便利店用（例如7仔）。

📢註解3：
請唔好用由深圳通同八達通公司一齊發行嘅“全國一卡通•深港互通行卡（深港一卡通）”乘搭深圳坪山雲巴一號線，好大機會會入唔到或者出唔到閘；
我哋用咗一年時間喺唔同嘅雲巴站、唔同嘅時段做咗五十次測試，成功入閘次數係2/50，成功出閘次數係1/50，異常原因唔知，到而家都未解決；
除咗呢張卡之外嘅其他交通聯合卡，都可以正常出入閘，深圳通嘅交通聯合卡有9.5折優惠，嶺南通（廣東省標）嘅交通聯合卡、外省發行嘅交通聯合卡就照標準價錢扣數（冇任何優惠）；
附深港一卡通、雲巴相關標誌圖：



📢註解四：
（緊急更新）拎住「雲閃付」、或者係香港/澳門/廣東發行嘅「中國銀聯卡」嘅用戶請特別留意：
喺廣東省以外嘅好多省、直轄市、自治區，搭巴士同地鐵等等嘅軌道交通係唔支援「銀聯支付」㗎。
所以，你只可以用「全國通」同「當地嘅交通卡」嚟搭車。
就算喺廣東省內，有啲城市嘅某啲巴士線路都可能用唔到「銀聯支付」。
另外，內地絕大部分地區都唔支援用「數字人民幣」俾錢。