語言
游戲簡介
※ 本作品登場角色均已滿18周歲。
※ 本作品入面嘅所有內容，同現實中嘅個人、團體、組織完全冇任何關係。
※ 遊戲劇情入面嘅網絡滲透攻擊技術並唔係真實或者專業嘅方法，只係為咗娛樂效果，如果需要相關技術，請向專業人士查詢。
※ 本作品入面有關爭議性話題、犯罪過程嘅描寫，純粹係為咗劇情需要，開發團隊並唔贊成、亦都唔鼓勵任何相關行為。
-
迷茫嘅「偽娘」、 「完美」嘅學生會長、將愛意藏於心底嘅「天使」、對義兄懷住複雜情感嘅「細妹」。
佢同佢同佢之間嘅日常。
喺互相傷害嘅同時，又互相救贖……
-
主要角色
洛玖
我，洛玖。
今年喺深圳成功參加咗「單獨招生計劃」，憑住好好嘅面試成績，入咗香港嘅貴族私立高中──九龍中心書院。
本來一心只係想好好讀書，第日搵到錢之後，等阿媽同個妹可以過啲好日子。
咁樣嘅我竟然！喺入學試嗰陣，俾個百年一遇嘅靚女，仲要係學生會長嘅女仔──表白喇？！
點算？點算啊！由細到大都唔識點同人相處嘅我，要點樣同佢解釋我嘅情況啊！！！死梗喇！
嵐曉茵
曉茵姊，係學生會長，同時亦都係一個好難捉摸嘅女仔。
係我嘅初吻對象…啊唔係，嗰件事係意外、係accident！冇錯！係意外！
佢好似係百合，但又唔知點解會對我呢個男仔有興趣。
本身應該係學校嘅冰山美人，但深入接觸落先至發現…
唉，唔諗咁多喇，一諗起之後仲要同曉茵姊長期相處，我就有啲頂唔順…
不過呢，曉茵姊好似意外地係個「高攻低防」嘅人？！
洛璃
我最最最最最得意嘅細妹，天下第一好嘅細妹！
由細到大都黐住我，得意到就嚟令人窒息嘅好孩子。
佢好識諗，總係喺我傷心嘅時候安慰到我。
可惜嘅係，呢排佢對我好似有啲冷淡？！
明嘅，入咗青春期吖嘛～
林欣
曉茵姊嘅青梅竹馬，性格同曉茵姊完全相反，係一個非常熱情嘅人。
雖然有啲腹黑，但好似，都算係個好人？！
佢好似由細個就已經暗戀曉茵姊，真係好對唔住，俾我呢種人橫刀奪愛。
唔好意思對唔住對唔住（＞人＜；）
我會盡力補償你嘅，有咩要求都放馬過嚟啦，我呢啲人，都係得返呢啲用㗎咋QAQ
原諒我啦，我咩都會做㗎！求下你求下你……
木下美羽
由日本嚟嘅偶像，仮面会46嘅隊長兼C位。
我係動漫宅，所以對Idol了解得唔算多。
佢今次個漫展好似會COS我最愛嘅動漫角色，搞到我今次點都要去睇吓。
下載遊戲
下載呢個遊戲即代表您已經完整閱讀並同意我哋嘅
EULA。
有關Steam平台上架問題嘅情況說明.